Kjarni

Mannauður

Einfaldaðu starfsmannamál fyrirtækisins með mannauðshluta Kjarna. Mannauðshluti Kjarna heldur utan um allar upplýsingar starfsfólks frá ráðningu til starfsloka. Þar er auðvelt að sækja og vinna með tölfræðiupplýsingar sem auðveldar alla gagnavinnslu og skýrslugerð.

Kjarni

Ráðningar

Ráðningarnar saman standa af umsóknavef, þar sem umsækjendur geta sent inn umsókn í gegnum heimasíðu fyrirtækis, og Kjarna vef þar sem úrvinnsla umsókna fer fram. Hægt er að bera umsækjendur saman, senda út svarbréf og ráða umsækjendur.

Kjarni

Kjarnavefur

Kjarnavefur eykur sjálfstæði og léttir álag á mannauðs- og launadeildum. Á vefnum eru aðgengilegar upplýsingar úr flestöllum kerfishlutum Kjarna.

Kjarni

Fræðsla

Fræðsluhlutinn heldur utan um fræðsludagskrá fyrirtækis og námskeiðsþátttöku starfsfólks. Starfsfólk getur á starfsmannavef séð yfirlit yfir þau námskeið sem eru í boði og skráð sig. Í fræðsluhlutanum er hægt að taka út yfirlit fyrir styrkumsóknir til stéttarfélaga eða starfsmenntunarsjóða.

Kjarni

Frammistöðumat

Í frammistöðumatshluta Kjarna er haldið utan um frammistöðumat starfsfólks. Frammistöðumatseyðublöð eru stofnuð í Kjarna og starfsmaður svarar matinu á starfsmannavef og yfirmaður svarar matinu á Kjarnavef.  Á starfsmannavef og Kjarnavef er hægt að breyta heiti frammistöðumats í Samtal, Starfsþróunarsamtal eða Starfsmannasamtal.

Kjarni

Laun

Hraðvirk launavinnsla í notendavænu umhverfi ásamt öflugri skýrslugerð sem einfaldar alla yfirsýn yfir launamál fyrirtækisins. Mikið er lagt upp úr því að létta skil á kjaraupplýsingum til þriðja aðila og eru því helstu kjarakannanir á íslenska markaðnum innbyggðar í lausnina, þ.m.t. launaskýrslur vegna jafnlaunavottunar.

Sjá nánar

Einfalt er að útbúa nákvæma launaáætlun með launum og launatengdum gjöldum. Hægt er að skrá allar þekktar breytingar fram í tímann, s.s. kjarasamningshækkanir og skipulagsbreytingar, og tekur launaáætlunin mið af þessum upplýsingum.

Kjarni

Viðvera

Starfsfólk getur stimplað sig inn og út eða skráð tíma, allt eftir eðli starfa. Inn- og útstimplun getur farið fram á spjaldtölvu á vinnustað, í snjallforriti eða á starfsmannavef og tímaskráningar geta farið fram í snjallforriti eða á starfsmannavef.  
 
Stjórnendur og mannauðsfólk hefur yfirlit yfir tímaskráningar starfsfólk á Kjarnavef. Þar geta stjórnendur yfirfarið skráningar, breytt tímaskráningum og að lokum sent færslur yfir til launa.  
 
Hægt er að skilgreina veikinda- og orlofsrétt á kjarasamninga svo ekki sé hægt að skrá veikindi eða orlof umfram áunnin réttindi starfsfólks. Starfsfólk getur sent inn orlofsbeiðni í snjallforriti eða starfsmannavef sem stjórnendur fá til samþykktar. Stjórnendur geta séð hvernig fríóskirnar passa inn í fríóskir annars starfsfólks og í framhaldi samþykkt eða hafnað orlofsbeiðninni.

Kjarni

Dagpeningar

Í dagpeningalausninni er með einföldum hætti hægt að halda utan um ferðir starfsfólks, bæði innanlands og utan.  Starfsfólk getur skráð dagpeningabeiðni á starfsmannavef sem birtist stjórnendum til samþykktar á Kjarna vef. Einnig er hægt að lesa þær inn úr öðrum kerfum. Fyrir þá sem greiða dagpeningana strax er hægt er að bóka dagpeninga á lánadrottinn, greiða þá fyrirfram og senda starfsmanni tölvupóst með yfirliti yfir væntanlega greiðslu. Að endingu eru svo samþykktir dagpeningar fluttir í útborgun þar sem lokaúrvinnslan fer fram.

Kjarni

Gátlistar

Gátlistarnir geta verið fjölbreyttir og henta vel við að tryggja að gengið sé frá öllum nauðsynlegum atriðum við upphaf starfs og við starfslok starfsmanns.

Kjarni

Mötuneyti

Starfsfólk skráir sig í mat og skráningar flæða yfir í launahluta Kjarna. Mötuneytislausnin býður upp á stakar máltíðir, mataráskrift og kaup á ákveðnum vörutegundum. Til viðbótar við skráningu starfsfólks er einnig hægt að skrá gesti starfsfólks, gesti fyrirtækis og verktaka.

Kjarni

Starfsmannavefur

Starfsmannavefur Kjarna veitir starfsfólki allar helstu upplýsingar.

Snjallforrit Kjarna

Snjallforritið er afar hentugt fyrir það starfsfólk sem ekki vinnur við tölvu og getur því nálgast upplýsingarnar á einfaldan máta í símanum sínum hvar sem það er statt.   Snjallforrit Kjarna er aðgengilegt bæði í App Store og Google Play.