Kjarni

Mannauður

Í mannauðshlutanum er haldið utan um skipurit fyrirtækis og grunngögn starfsmanna. Hægt er að skrá allar helstu upplýsingar sem tengjast starfsmönnum, taka út lista með ýmis konar tölfræði og útbúa rafræna ráðningarsamninga. Áhersla er lögð á tímasparnað við magnvinnslu, svo sem við ráðningu eða starfslok á stórum hópi starfsmanna.

Kjarni

Ráðningar

Ráðningarnar saman standa af umsóknavef, þar sem umsækjendur geta sent inn umsókn í gegnum heimasíðu fyrirtækis, og Kjarna vef þar sem úrvinnsla umsókna fer fram. Hægt er að bera umsækjendur saman, senda út svarbréf og ráða umsækjendur.

Kjarni

Fræðsla

Fræðsluhlutinn heldur utan um fræðsludagskrá fyrirtækis og námskeiðsþátttöku starfsmanna. Starfsmenn geta á starfsmannavef séð yfirlit yfir þau námskeið sem eru í boði og skráð sig. Í fræðsluhlutanum er hægt að taka út yfirlit yfir styrkumsóknir til stéttarfélaga eða starfsmenntunarsjóða.

Kjarni

Frammistöðumat

Í Kjarna er haldið utan um frammistöðumat starfsmanna. Frammistöðumatseyðublöð eru stofnuð í Kjarna og starfsmaður og yfirmaður fylla út eyðublað fyrir frammistöðumat á starfsmannavef.

Kjarni

Laun

Laun og ávinnslur

Hraðvirk launavinnsla í notendavænu umhverfi ásamt öflugri skýrslugerð sem einfaldar alla yfirsýn yfir launamál fyrirtækisins. Mikið er lagt upp úr því að létta skil á kjaraupplýsingum til þriðja aðila og eru því helstu kjarakannanir á íslenska markaðnum innbyggðar í lausnina, þ.m.t. launaskýrslur vegna jafnlaunavottunar.

Launaáætlun

Einfalt er að útbúa nákvæma launaáætlun með launum og launatengdum gjöldum. Hægt er að skrá allar þekktar breytingar fram í tímann, s.s. kjarasamningshækkanir og skipulagsbreytingar, og tekur launaáætlunin mið af þessum upplýsingum.

Kjarni

Viðvera

Í viðveruhluta Kjarna geta starfsmenn stimplað sig inn/út til vinnu með einföldum hætti og haft yfirsýn yfir sínar tímaskráningar.

Stjórnendur hafa einnig aðgang að stimplunum sinna undirmanna þar sem þeir geta lagfært og búið til skráningar eins og þörf er á.

Hægt er að senda tímaskráningar starfsmanna beint úr viðveru yfir í launahluta Kjarna.

Kjarni

Dagpeningar

Í dagpeningalausninni er með einföldum hætti hægt að halda utan um ferðir starfsmanna, bæði innanlands og utan.  Starfsmenn geta skráð dagpeningabeiðni á starfsmannavef sem birtast stjórnendum til samþykktar á Kjarna vef. Einnig er hægt að lesa þær inn úr öðrum kerfum. Fyrir þá sem greiða dagpeningana strax er hægt er að bóka dagpeninga á lánadrottinn, greiða þá fyrirfram og senda starfsmanni tölvupóst með yfirliti yfir væntanlega greiðslu. Að endingu eru svo samþykktir dagpeningar fluttir í útborgun þar sem lokaúrvinnslan fer fram.

Kjarni

Mötuneyti

Starfsmenn skrá sig í mat og skráningar flæða yfir í launahluta Kjarna. Mötuneytislausnin býður upp á stakar máltíðir, mataráskrift og kaup á ákveðnum vörutegundum. Til viðbótar við skráningar starfsmanna er einnig hægt að skrá gesti starfsmanna, gesti fyrirtækis og verktaka.